Katika juhudi za kuendeleza shughuli za vyombo vya habari katika atabatu tukufu, Idara ya Habari ya Atabatu Tukufu ya Alawi ilikaribisha ujumbe wa vyombo vya habari kutoka mtandao wa «Al-Jawaadayn» unaohusishwa na Atabatu Tukufu ya Kaadhimayn. Ziara hiyo ilifanyika kwa lengo la kujifunza uzoefu wa vyombo vya habari na teknolojia za kisasa zinazotumika kusimamia taasisi na majukwaa ya habari.
Ja’far al-Budayri, naibu mkuu wa Idara ya Habari ya Atabatu Tukufu ya Alawi, alisema katika mazungumzo na Kituo cha Habari: «Ujumbe huu ulijifunza kuhusu vitengo mbalimbali vya habari vya ataba hii na namna mtandao wa televisheni, redio na Kituo cha Habari cha Ataba Tukufu ya Alawi vinavyofanya kazi. Pia ulitambulishwa kwa teknolojia na programu zinazotumika kusimamia maudhui ya vyombo vya habari.»
Aliongeza: «Wajumbe walitembelea mfumo wa utangazaji unaotumia teknolojia ya 4K katika chumba cha udhibiti cha studio na kujifunza kuhusu uwezo wa kiufundi na teknolojia zilizopo, mbinu za kusimamia maudhui na namna ya kutumia teknolojia za kisasa kuboresha utendaji wa vyombo vya habari.»
Ahmad Jabbaar, mkurugenzi wa kitengo cha mtandao wa Al-Jawaadayn, alieleza kuwa ziara hii ilifanyika ili kuimarisha ushirikiano na kubadilishana uzoefu wa vyombo vya habari, hasa katika utangazaji wa moja kwa moja, upigaji picha na utayarishaji wa vipindi.
Akizungumzia maendeleo makubwa ya vifaa vya habari vya Atabatu Tukufu ya Alawi, alisema kuwa maendeleo hayo yanaonekana wazi katika studio na teknolojia za kisasa zinazotumiwa na mtandao wa televisheni wa atabatu hiyo.
Ziara za aina hii hufanyika katika juhudi za kuimarisha mawasiliano ya kitaasisi na kubadilishana uzoefu na mafanikio baina ya vitengo vya habari vya Atabatu Tukufu ya Alawi. Zinachangia kuimarisha uhusiano wa kikazi, kuratibu juhudi za vyombo vya habari na kuboresha ujumbe wa kidini na habari.
Aidha, mawasiliano haya yanasaidia kuendeleza mbinu za kutayarisha maudhui ya vyombo vya habari na kuyawasilisha kwa hadhira kwa kiwango cha juu kabisa cha weledi na ufanisi.
