Daarul-Qur’aan, iliyo chini ya Idara ya Masuala ya Kifikra na Kitamaduni ya Atabatu Tukufu ya Alawi, imeanza awamu ya tatu ya mpango wa vikao vya kitaaluma vya Qur’aan katika mikoa ya Iraq. Mpango huo ulianza kwa vikao vya kwanza katika mkoa wa Kirkuk na sasa unaendelea katika mkoa wa Nainawaa kwa ushirikiano na vyama vya Qur’aan vya mikoa hiyo miwili.
Ammaar Muusawii, mmoja wa wahudumu wa Daarul-Qur’aan, aliiambia kituo cha habari: «Mpango huu unaandaliwa kwa lengo la kueneza utamaduni wa Qur’an na kuongeza uelewa wa vijana kuhusu suala hili. Kupitia mpango huu, vikao maalumu vya kitaaluma vinaandaliwa ili kuimarisha ufahamu wa mafundisho ya Qur’aan Tukufu na kupanua uwepo wake katika jamii.»
Aliongeza: «Vikao vimefanyika katika mkoa wa Kirkuk, na shughuli za mpango huu zinaendelea katika makao makuu ya mkoa wa Nainawaa na wilaya ya Tal’afar kwa kufanyika vikao viwili vya kitaaluma vya Qur’aan.»
Muhammad A’rajii, kutoka Chama cha Wasomaji wa Qur’aan na Watendaji wa Shughuli za Qur’aan cha Nainawaa, aliishukuru Daarul-Qur’aan ya Atabatu Tukufu ya Alawi na kuthamini juhudi zake za kuandaa mipango na shughuli za Qur’aan katika mkoa huo kwa kushirikiana na chama hicho. Pia alisisitiza nafasi ya mipango hii katika kuimarisha shughuli na kueneza mafundisho ya Qur’aan Tukufu miongoni mwa makundi mbalimbali ya jamii.
Vikao hivi vinaandaliwa kama sehemu ya juhudi za Daarul-Qur’aan ya Atabatu Tukufu ya Alawi za kupanua shughuli za Qur’aan katika mikoa ya Iraq na kuimarisha uhusiano na taasisi na vyama vya Qur’aan; juhudi zinazosaidia kuimarisha utamaduni wa Qur’aan na kueneza mafundisho yake miongoni mwa makundi mbalimbali ya jamii, hasa vijana.
